Deputeti socialist, Pjerin Ndreu ka risjellë në vëmendje postimin e famshëm të bërë nga ministrja e Kulturës, Mirela Kumbaro, gjatë takimit të sotëm me Ramën në Lezhë.
Ndreu ka rrëfyer se ka në shtëpi një dhomë bibliotekë me romane e poezi të shumta, ndërsa shtoi se Lezha është një vend që ka nxjerrë shumë pena.
“Kryeministri më thotë gjithmonë polic, se në fakt kështu jam njohur me të. Por për ta mbyll dua të tregojë një sekret, kryeministri nuk e di që unë në shtëpi kam një dhomë bibliotekë me romane me poezi. Do ja them edhe Mirelës, por po jam them kryeministrit njëherë. Dhe Lezha është një vend ku ka nxjerrë shumë pena, nga Gjergj Fishta. Unë desha të recitojë një pjesë nga himni i rinisë nga Migjeni.
‘Rini thuaja këngës më të bukur që di, kumbi i zërit tënd përplaset në qiell, të kthejë prapë tek ne sepse hyjtë na kanë zili, e na të duam fort siç duam një diell’”, ka përfunduar Ndreu.
Më tej është përgjigjur edhe kryeministri Rama, i cili ka preferuar të mos komentojë lidhur me batutën për Kumbaron:
“Mirëkuptoni emocionet e mia pasi një ish-polic reciton poezi. Më vjen jashtëzakonisht mirë që këtu sot jemi me forumin rinor eurosocialist të rilindur të Lezhës”.
