Ndjesia e djegies në këmbë, ose therja e saj, mund të jetë e lehtë, ose në gjendje shumë të rënduar. Kjo ndjesi, e cila quhet parestezi shpeshherë ndikon në gjumin e natës, pasi shoqërohet me ndjesinë e shpimit me gjilpërë, nga mpirja dhe ndonjëherë nga të dyja këto.
Shkaqet
Zakonisht parestezia vjen si pasojë e dëmtimit nervor (neuropati periferike), edhe pse ndonjëherë ajo ndodh edhe për shkak të lodhjes ose infeksionit të lëkurës.
Neuropatia periferike ndodh për shkaqe të ndryshme, ku përfshihet: diabeti, alkoolizimi, ekspozimi ndaj toksinave, mungesa e vitaminës B ose nga HIV/AIDS.
Disa nga shkaqet e ndjesisë së djegies në këmbë:
Abuzimi me alkoolin
Këmbët e atletit (infeksioni mykotik i këmbës)
Kimioterapia
Sëmundja kronike e veshkave
Neuropatia diabetike (dëmtimi nervor i shkaktuar nga diabeti)
HIV/AIDS
Hipotiretoza (tiroidi joaktiv)
Sindroma e tunelit tarsal
Anemia
Kur duhet të paraqiteni tek mjeku? Kërkoni ndihmë mjekësorë nëse:
Ndjesia e djegies në këmbë shfaqet papritur, veçanërisht nëse jeni ekspozuar ndaj një lloj toksine.
Keni një plagë të infektuar, sidomos nëse vuani nga diabeti, shkruan Shëndeti.
Lini një vizitë me mjekun nëse:
Vazhdoni të përjetoni dhimbje ndonëse keni disa javë që po trajtoheni në kushte shtëpie.
Vëreni që simptomat po përkeqësohen dhe bëhen më të dhimbshme.
Ndieni sikur djegia po përhapet në të gjithë këmbën.
Nuk i ndieni më këmbët apo gishtat e këmbëve.
Nëse ndjesia e djegies në këmbë është e vazhdueshme ose nëse nuk ka një arsye të dukshme, atëherë mjeku do të kryejë ekzaminime për të përcaktuar nëse vjen si pasojë e ndonjë gjendje të caktuar shëndetësore që shkakton neuropati periferike.
