Një 22-vjeçar ka përfunduar në prangat e policisë së Divjakës, pasi qëlloi me armë zjarri një vajzë të mitur. Ai është Bajram Krasniqi, 22 vjeç, banues në Babunjë.
“Në datën 10.01.2018, në fshatin Babunjë, për motive të dobëta, ka qëlluar me armë zjarri automatike në drejtim të një shtetaseje 14 vjeçe e cila nuk ka pësuar dëmtime”, sqaron policia në një njoftim.
Në vendngjarje në cilësinë e provës materiale u gjetën e sekuestruan 3 gëzhoja arme zjarri automatik model 56.
