Pas jetës luksoze të një biznesmeni shqiptar në Itali, fshihen aktivitete kriminale. Ai është vënë në pranga vetëm pak ditë më parë.
Bëhet fjalë për një biznesmen dhe drejtuesin i një ndërmarrje skelash për sektorin e ndërtimit në Itali. Por, ai ditën ishte bos e natën hajdut. Ai ishte kreu i një bandë që numëron grabitje të shumta në zonë.
Kështu shkruajnë mediat italiane teksa raportojnë për arrestimin e shqiptarit Taulant Leka. 30-vjeçari ishte pronar i MEDIATECH (kompani e specializuar në prodhimin e skelës për industrinë e ndërtimit).
Sipas policisë, ai jetonte në një rezidencë luksoze së bashku me familjen. Jo shumë larg nga banesa ai kishte fshehur një “thesar” të vërtetë me mallra të vjedhura, me vlerë disa dhjetëra mijëra euro.
Bizhuteri ari dhe të llojeve të ndryshme duke përfshirë vathë, byzylykë, Rolex ose Cartier, syze, parfume: të gjitha materialet e vendosura në çanta, të fshehura në dollapët e shtëpisë.
Bashkë me të janë vënë në pranga edhe dy bashkatdhetarë, një 31 vjeç dhe 42 vjeç. Ata janë shqiptarët Edmir Sadiku dhe Mirsad Arci.
Ata ishin të specializuar në vjedhje banesash dhe zonat e preferuara ishin Vitoriese dhe Belluno, në provincën e Trevisos.
Sipas hetuesve, ata shfrytëzuan situatën problematike të krijuar nga përmbytjet, si kohën më të favorshme për të kryer grabitjet./TIRANA TODAY/
