Ambasada amerikane në Tiranë ka publikuar një video me përmbajtje të rrallë dhe me motive tërësisht shqiptare. Stafi i ambasadës së SHBA-së në Tiranë, përmes vargjeve të vjershave ka uruar ditën ndërkombëtare të poezisë. Ambasadori amerikan, Donald Lu, e mbyll videon e publikuar duke recituar në gjuhën shqipe vjershën e të madhit Naim Frashëri.
Por në recitim, janë edhe vargjet e poetëve më të mëdhenj shqiptarë , të cilat përmes pendës dhe poezisë i dhanë shumë kombit shqiptar, duke pasuruar mendjen dhe shpirtin e njerëzve.
“Sot është Dita Ndërkombëtare e Poezisë. Ne po e festojmë duke recituar vargje prej disa nga poetëve më të njohur të Shqipërisë. A mund ti gjeni titujt e poezive dhe emrat e poetëve?”-thuhet në mesazhin e ambasadës amerikane në Tiranë.
