Kryetari i Partisë Demokratike me anë të një shkrimi në rrjetin social “Faceboook” ka reaguar lidhur me projektimin e zgjedhjeve që ju bën kryeministri Rama.
Sipas Bashës, PD-ja nuk do të lejojë regjim monist në Shqipëri, nuk do lejojë kurrë zgjedhje të vendosura nga droga dhe krimi.
Statusi i Plotë
Sot në ditën e dytë të Republikës së Re, që shpallëm njëzëri më 13 maj, çadra e lirisë ishte plot me të rinj e të reja, profesionistë, intelektualë, artistë.
Si në ditën e parë të qëndresës sime ata kërkojnë që pushteti t’i bindet vullnetit të popullit. Interesi i tyre, axhenda e tyre është axhenda e lirisë, demokracisë dhe vlerave europiane.
Ndërsa për Edi Ramën pushteti ka vetëm një qëllim, vetëm një axhendë, atë të pasurimit dhe të kontrollit të plotë të vendit nga ai dhe banda e korruptuar kriminale në qeverisje.
Për Edi Ramën njerëzit janë thjesht numra, gurë shahu në lojën e tij për pushtet. Prandaj, ai po projekton një pushtet monist, që të sundojë i vetëm, i pashqetësuar nga populli dhe nga opozita.
Bashkimi ynë është e vetmja pengesë ndaj këtij plani ogurzi.
Ne nuk do lejojmë kurrë një regjim monist në Shqipëri. Ne nuk do lejojmë kurrë zgjedhje të vendosura nga droga dhe krimi. Ose zgjedhje të lira dhe të ndershme, ose zgjedhje të tjera në Shqipëri nuk do të ketë. #NgrihemiBashke #ZgjedhjeTeLira #RepublikaeRe
Pse rrogat rriten në letra, por varfëria rritet në realitet?
