Qytetarët shijuan në instalacionin “Reja”, krijimet më të bukura të dy prej poetëve tanë më të mirë, Fatos Arapi dhe Frederik Reshpja. Ministrja e Kulturës, Elva Margariti njoftonte se artëdashësit do të përjetonin disa minuta si kurrë më parë. Një dialog nën interpretimin brilant të dy të mëdhenjve të skenës dhe ekranit, Luiza Xhuvani dhe Ndriçim Xhepa, shoqëruar në violonçel nga Ejona Nako.
“Nën një re poetike shijuam një dialog mes dy majave të poezisë shqipe : Fatos Arapi e Frederik Reshpja. Në vazhdën e Ditës Botërore të Poezisë, patëm mes tonë përmes vargjesh këta dy poetë të thellësive të mëdha, në kërkim të një Itake ideale.
Një dialog nën interpretimin brilant të dy të mëdhenjve të skenës dhe ekranit, Luiza Xhuvani dhe Ndricim Xhepa, shoqëruar në violonçel nga Ejona Nako.
Një mbrëmje, si nismë e Ministrisë së Kulturës për të promovuar letërsinë shqipe, që mblodhi më shumë publik nga ç’mbante “Reja”, njoftonte ministrja.
Që nga viti 1999, 21 marsi është shpallur nga UNESCO dita botërore e poezisë. Vendimi i marrë në kongresin e 30-të të kësaj agjencie, zhvilluar në Paris, ka si objektiv kryesor mbështetjen e diversitetit linguistik përmes shprehjes poetike.
Në të njëjtën kohë, caktimi i një dite ndërkombëtare për poezinë bëhet edhe me qëllimin për t’i kthyer kësaj gjinie të letërsisë funksionin e saj të parë, traditën gojore.
