Në orën 18:00 ka nisur mbledhja e Kryesisë së Partisë Socialiste, ku po zhvillohen diskutime mbi listat e kandidatëve për deputetë në 12 qarqet e vendit për zgjedhjet e 11 majit.
Kryeministri Edi Rama ka zhvilluar takime kokë më kokë me drejtuesit politikë të qarqeve, duke koordinuar përzgjedhjen e kandidatëve.
Një zhvillim i rëndësishëm është dhe marrëveshja me Partinë e Minoritetit Maqedonas në Shqipëri, e cila ka siguruar një vend në listën e hapur të PS për qarkun e Korçës.
Nga ana tjetër, mësohet se disa emra të njohur të Partisë Socialiste nuk do të jenë më pjesë e listës për zgjedhjet e ardhshme.
Sipas raportimit të gazetarit Ergys Gjençaj, ish-ministri Nasip Naço nuk do të rikandidojë, ndërsa edhe dy deputetët e tjerë Laert Duraj dhe Klevis Xhoxhi gjithashtu janë tërhequr nga gara.
