Skënderbeu nuk di të fitojë në miqësoret që ka organizuar në Turqi, këtë herë është mposhtur nga gjigantët e Besiktas me rezultatin 3-2. Por paraqitja që ka bërë skuadra e drejtuar nga Ilir Daja ka qenë e një niveli të kënaqshëm, pavarësisht disfatës. Daja hodhi në fushë këtë formacion: Shehi, Vangjeli, Radas, Jashanica, Mici, Osmani, Lilaj, Muzaka, Gavazaj, James, Sowe.
Besiktas kaloi në avantazh që në minutën e 16’ me anë të Mustafa Petkemek, por nuk ka zgjatur festa pasi është Ali Sowe që shënoi golin e barazimit. Skuadrat shkuan në dhomat e zhveshjes në ekuilibër të plotë, por më të 52-ën Pektemek realizoi të dytin personal, dukë kaluar sërish në avantazh turqit. Në minutën e 62-të një emër i njohur i futbollit europian, spanjolli Alvaro Negredo i çoi shifrat në 3-1, ndërsa një minutë para përfundimit të kohës së rregullt Sabien Lilaj realizoi me 11-metërsh për rezultatin përfundimtar 3-2.
