Shefi i diplomacisë së Maqedonisë, Nikolla Dimitrov është takuar me përfaqësuesen e lartë të BE-së për politikë të jashtme, Federica Mogherini.
Në takim ka marrë pjesë edhe zv/kryeministri për Çështjet Evropiane, Bujar Osmani.
Në fokus të takimit kanë qenë sfidat me të cilat përballen vendet dhe rajoni, zgjerimi i Bashkimit Evropian, si dhe sfidat e përgjithshme me të cilat përballet Evropa.
Gjatë fjalës së tij, Osmani tha se është realizuar me sukses “Plani 3-6-9”, ndërsa veçoi edhe qëndrimin e kryetarit të Komisionit Evropian, Jean-Klod Junker.
Ky i fundit në fjalimin e tij vjetor drejtuar Unionit, theksoi se për një BE të sigurt, nevojitet të mbahet procesi i zgjerimit të Unionit me vendet nga Ballkani Perëndimor.
“Takim ‘i ndritshëm’ këtë mëngjes me Federica Mogherini pavarësisht zymtësisë në Bruksel”, shkruan Dimitrov teksa poston një foto në Facebook.
