Nga Elda Shabani/Ndërsa temperaturat shënojnë mbi 33 gradë celsius shtoi edhe lagështirën në ajër, rrugët e Tiranës kthehen në sauna.
Ndërkohë momenti më i sikletshëm si për meshkujt ashtu edhe për femrat është si të vishesh në mënyrën e duhur pa u djersitur në përputhje me rrethanat. Në fakt dilema e Modës është Moti i nxehtë edhe pse në dukje mund të jetë ndryshe.
Duke zgjedhur një fustan të fundit të modës e shoqëruar me një kapele e syze të errëta, mendon se ke bërë zgjedhjen e duhur për të mundur vapën dhe ndërkohë je on trend.
Por a është kjo mënyra më e mirë për të shmangur vapën dhe mbi të gjitha sikletin që të sjellë djersitja nga një veshje e gabuar edhe pse mund t’ju duket e bukur?
Sigurisht që jo. Pikë së pari një veshje duhet të jetë ne funksion të temperaturave të larta dhe blerja që në bëjmë duhet të jetë e zgjuar. Stili i përgjithshëm është ai perëndimor, por ky i fundit bazohet nga kultura ose stile veshjesh dhe pëlhurash që vijnë nga vendet si Lindja e Mesme, Amerika Jugore dhe Qendrore, apo edhe Azia.
Kështu përpara se të vendosni për të blerë një veshje gjatë sezonit të nxehtë, duhet të mendoni hapat e duhura për të shmangur gabimet e mundshme por mbi e gjitha stresin e vapës.
Hapi I parë, Pesha e lehtë. Materiali i veshjes duhet të jetë i lehtë në peshë. Sa më pak gramë mbi lekurën tuaj aq më freskët do të ndjeheni. Kjo është një mënyrë e lehtë për ta testuar, mjafton të prekesh dhe mbash në duar veshjen që dëshironi ta blini.
Hapi i dytë, Ajrosja. Kjo është po aq e rëndësishme sa edhe pesha e lehtë e një veshje. Për të qëndruar freskët në trup, mbi të gjitha është i nevojshëm qarkullimi i gjakut dhe ju të ndjeheni komod dhe të lirë në veprim.
Materiali dhe pëlhurat që zgjedhim duhet të marrin frymë. Ato duhet të jenë më poroze për ta bërë këtë proces sa më të lehtë. Cohat si Lino dhe Pambuku janë më të preferuarat.
Për fat të mirë, tendencat e verës 2018 kanë qenë dominuar nga këto materiale, pa lënë pas edhe mëndafshin.
Janë perfekte për të gjitha klimat, prandaj edhe kanë një përdorim kaq të gjerë. Materiale të tjera të cilat kushtojnë më pak dhe kanë të njëjtën funksion janë “mëndafshi artificial” Rayon, Puplina ose pambuk xherzi etj .
Mbrojtja nga dielli
Shumë prej jush mendojnë se duke u veshur sa më shkurt dhe sa më shumë të zbuluar, më freskët dhe më pak të djersitur jemi apo mjafton një krem kundër diellit dhe ja zgjidhja. Në fakt është plotësisht e gabuar.
Kulturat nga vendet e tjera shumë më të nxehta se kontinenti ynë vërteton të kundërtën. Bluza, këmisha me mëngë të gjatë ose edhe pantallona të gjata, mund të jenë një blerje e zgjuar për të qëndruar akoma më freskët, mjafton të keni parasysh dy prioritet e sipërme.
Ne nuk tregojmë sa duhet kujdes ndaj rrezikut që shkakton dielli si dhe dëmtimin e lëkurës nga tharja dhe dehidratimi që shkakton djersitja e tepruar. Pra sa më pak e ekspozuar ndaj rrezeve të nxehta të diellit, do të jetë lëkura e trupit tonë, aq më mirë do të ndjehemi.
Ngjyrat e çelura dhe pastel: Janë gjithmonë zgjedhja e duhur në ditë të nxehta. Për ata që janë fanatik të ngjyrës së zezë, mund ta mbajnë por të zgjedhin një material të mirë, dhe delikat e një prerje të hapur në dekolte. Sigurisht të mos harrojnë të ecin në rrugë me hije.
Stili i duhur
Zakonisht kur blejmë një veshje verore duhet të mendojmë për ngjyrat, modelin, materiali i duhur, aksesorët, të gjitha të kombinuara në harmoni së bashku.
Dallimi mes funksionit dhe elegancës së një veshje duhet të jetë sa më i vogël, pothuajse i padallueshëm. Pra, stili i veshjes është po aq i rëndësishëm sa edhe ndjesia e lehtësisë që ajo përcjellë në lëkurën e trupit. TIRANA TODAY
