Gentian Zenelaj më në fund ka thyer heshtjen, dhe ka folur në lidhje me zënkën që ka patur me Julian Dedën, të cilët dikur ishin miq mjaft të ngushtë.
I ftuar në emisionin “Thumb”, ai ka rrëfyer arsyet e sherrit të tij me Julian Dedën, dhe largimin jo të mirë nga “Vizion Plus”. Aktori kujton kohën kur e kishin vënë para një përgjegjësie të madhe, dhe se duhet të bënte një zgjedhje.
“Me Julin është hatërmbetje, të mërzit më shumë një njëri që e ke dashur shumë fort, sesa një njëri që s’është askush në jetën tënde.
Le të ngelemi miq, këtë kam thënë kur kam ikur nga “Vizion Plus” dhe mu tha atëherë ‘o me ne, o me ata’, unë shkova me ata, pastaj këta erdhën me këta”, tregoi Genti duke qeshur.
Ndër të tjera ai zbuloi edhe se çfarë i thanë kur iku përfundimisht nga “Vizion Plus”, për të filluar emisionin e ri me Saimir Kodrën. Ai rrëfehet më tej se në atë kohë, kush i fliste Gentit, do pushohej nga puna.
“Kur ika unë nga “Vizioni”, doli një urdhër i brendshëm që kush i flet Gentian Zenelajt pushohet nga puna”, përfundoi ai.
