Sonte do të zhvillohet edhe përballja e dytë mes PSG dhe Real Madrid në kuadër të 1/8-ve të Champions League. Ekipi madrilen ka udhëtuar një natë më parë në drejtim të Parisit, por mikpritja që u kanë rezervuat tifozët parisienë nuk ka qenë ajo që mendohej për kampionët e Evropës. Tifozët e PSG-së nuk kanë qenë në lëvizje mbrëmjen e kaluar, kjo pasi ata kanë menduar një “strategji” për të ndihmuar sadopak ekipin e tyre.
Në momentin që autobusi i Realit ka mbërritur në hotelin ku do të akomodoheshin lojtarët, francezët kanë shpërthyer në britma, kanë hedhur mjete piroteknike, po ashtu shpalosen pankarta të ndryshme dhe flamuj të ekipit parisien. Por ata nuk e kanë lenë me kaq, sepse shfaqja ka vazhduar edhe më tej.
Kur ekipi madrilène ishte akomoduar në hotel, ata kanë hapur një pankartë poshtë hotelit ku shkruhej “Puta Madrid” (ofendim që përdoret kundra Realit).
Britmat dhe zhurma që ata kanë shkaktuar i kanë shqetësuar jo pak yjet e Realit. U desh ndërhyrja e policisë rreth orës 01:30 të natës, që situata të normalizohej, që Ronaldo dhe shokët e ekipit të vinin pak gjumë në sy.
