Kur ankohen dhe zemërohen legjendat, gabimi është i atyre që janë burim i kësaj gjendjeje. Diego Armando Maradona ka shprehur zemërimin, pasi askush nuk e ka propozuar për të qenë pjesë e garës për trajnerin e ri të Argjentinës.
Kombëtarja ka nevojë urgjente për një trajner të ri, ku Sampaoli u shkarkua pas dështimit në Kupën e Botës, një aveturë e cila u mbyll pa asgjë në Rusi. Maradona ka vetëofruar veten si kandidat të mundshëm për stolin e Kombëtares, por duket se askush nuk e ka më në listë. Për këtë, ai ka shprehur irritimin në rrjetet sociale duke akuzuar edhe mediet, të cilat nuk e kanë përmendur emrin e tij.
“Sa i përket ekipit kombëtar argjentinas, dua të them se më shqetëson fakti, që disa gazetarë nuk më përfshin në mesin e trajnerëve të mundshëm. Dëgjoja Chavo Fucks, për shembull, dhe ai as nuk më emëronte midis kandidatëve të mundshëm. I Mbaj mend fillimet e tij, kur isha ende duke luajtur dhe duket se tani ai nuk më njeh më. Unë gjithashtu shpreh keqardhje që nuk jam marrë parasysh nga disa gazeta argjentinase, të cilat flasin për ish-trajnerë të tjerë, por jo për mua. Por, hej, kjo është media sportive që kemi ne argjentinasit”- përfundon reagimi i legjendës në “Instagram”.
