Ka marrë fund telenovela Conte-Costa tek Chelsea, ai tashmë i është bashkuar Atl. Madridit, me të cilët mund të fillojë të aktivizohet mbas janarit. Costa është parë në tribunën e “Wanda Metropolitano”, për të shijuar ekipin e tij përballë Sevillias. Costa do ti kushtojë madrilenëve 67 milion euro, ku tashmë ka ngelur vetëm procedura formale të kontratës pasi me ‘blutë’ e londros është gjetur akordi.
Braziliani me kombësi spanjolle ka luajtur më parë tek Atl.Madrid ku në 94 ndeshje ka shënuar 43 herë, ndërsa tek blutë e Londrës ka statistika më të mira ku në 89 ndeshje e ka dërguar topin në rrjetë 53 herë. Fjala e vetme që ka thënë Costa pas përfundimit të ndeshjes ka qenë: “tashmë do të rikthehem në shtëpi”. Simeone mbas janarit do të ketë në përbërje të ekipit bomberin, i cili mund ta ndihmojë në fitimin e trofeve. /Titana Today
