Policia e Dibrës ka lokalizuar dhe arrestuar autorin e dyshuar të plagosjes me mjet prerës të një 20-vjeçari, dy ditë më parë, në lagjen “Dobrovë” të qytetit të Peshkopisë.
Si rezultat i kontrolleve intensive u bë e mundur ndalimi i shtetasit me iniciale E. E., 19 vjeç, banues në Peshkopi.
Ngjarja ndodhi më 13 prill 2025, kur dyshohet se gjatë një konflikti për motive të dobëta, autori ka goditur me mjet prerës shtetasin E. Sh., 20 vjeç, i cili ka marrë plagë të rënda. Shtetasi i dëmtuar aktualisht është duke u trajtuar në spital dhe ndodhet jashtë rrezikut për jetën.
Po ashtu, janë proceduar në gjendje të lirë tre persona, të cilët nuk kanë kallëzuar ngjarjen.
Materialet procedurale iu referuan Prokurorisë së Dibrës, për veprime të mëtejshme, për veprën penale “Plagosja e rëndë me dashje”.
