Diaspora e bashkuar maqedonase ka reaguar ashpër kundër Ligjit i cili pritet të avancojë në përdorimin e gjuhës shqipe në Maqedoni. Sipas tyre, ky ligj ndihmon enklavizimin dhe ndarjen e Maqedonisë në linja etnike.
Diaspora Maqedonisë çuditërisht, 30 për qind të shqiptarëve e quan pakicë kombëtare, ndërsa i fton maqedonasit që të bashkohen për një gjuhë të vetme zyrtare- gjuhën maqedonase.
Në Kuvendin e Republikës së Maqedonisë do të mbahet seanca e Komisionit për sistem politik dhe marrëdhënie midis bashkësive dhe Komisioni për kulturë, shkruan agjencia Ina.
Komisioni për sistem politik dhe marrëdhënie midis bashkësive do ta vazhdojë debatin rreth projektligjit për përdorimin e gjuhëve.
Debati rreth përdorimit të gjuhëve në këtë trup kuvendar filloi pardje, pasi që paraprakisht mori dritë të gjelbër nga Komisioni për çështje evropiane, i cili debatoi për të si trup amë.
