Pasi ka përfunduar protesta e opozitës, e cila zgjati plot tre orë, zv-kryeministri Erion Braçe dënoi sulmin e protestuesve ndaj deputetëve. Sipas zv-kryemisnitrit sulmi ndaj një deputeti nuk dhunon vetëm atë por të gjithë institucionin e Kuvendit.
“Integriteti i një deputeti është integriteti, veçanërisht zonjave është cënim i integritetit i nje inistitucioni. Kush mendon se po cënon një deputet duhet të mendojë se po cënon Kuvendin e Shqipërisë. Vetëm ligji mund të përgjigjet për ta”, deklaroi Braçe.
Pyetjes se a i bëri parlamenti karshillëk qytetarëve sot, Braçe iu përgjigj: “Të miratosh strukturën e KLGJ, të KLP, dy ligje të rëndësishme, i kërkoj ndjesë protestuesve që i kisha paraqitur në interes të bujqve. Të bësh këto nuk është karshillëk por t’i shkosh deri në fund reformës në drejtësi.
Në qoftë se ne kemi kriza që riciklohen në mënyrë të dhunshme si kjo që shihni janë pasojë e sistemit të munguar të drejtësisë. T’ju shërbesh bujqve, e t’u japësh certifikatën e pronësisë nuk është karshillëk”, tha Braçe.
Për sa i përket vijimit të protestave, Braçe bëri thirrje për të ndalur dhunën.
“Punë e tyre, zgjedhja e tyre, siç është zgjedhja e tyre te djegë mandatet më takon të bëj thirrje që po përsëritet në të gjitha gjuhët të ndalin dhunën, dhuna si duhet kujt. Ky vend ka nevojë për qetësi, punë, mirëqenie”, tha Braçe.
