Gjykata e Apelit të Torinos ka caktuar dënimin me burgim të përjetshëm për Gaia Russo dhe partnerin Nicolas Musi për vrasjen e Leonardos së vogël, fëmijës nëntëmbëdhjetë muajsh që vdiq më 23 maj 2019 për shkak të dhunës.
Kërkesa e mbrojtjes për rivlerësimin e provave nuk u pranua: Gaia, veçanërisht, kërkoi lirim të plotë, duke pretenduar se kishte qenë viktimë e dhunës psikologjike dhe se e donte djalin e saj. Nga ana tjetër, Nicolas kishte pranuar dhunën, por mohoi të ishte autori i krimit teksa ndodhej në një dhomë tjetër.
Krimi ndodhi më 23 maj 2019, në shtëpinë në Corso Trieste në Novara ku Gaia jetonte me djalin dhe partnerin e saj të ri, nga Biella. Në bazë të hetimeve, autori u konsiderua burri, por nëna e fëmijës kishte dhënë kontributin e saj moral në vrasjen e fëmijës. Dhe ajo e kishte justifikuar të dashurin e saj në raste kur djali shfaqte shenja të rrahjes, kryesisht të paraqitura si aksidente normale në shtëpi. Të dy, të cilët mbërritën në spital pas një tjetër dhune ndaj fëmijës ku dhe ndërroi jetë, thanë se “Leonardo ra nga shtrati”. Por sapo e morën vesh, përfunduan duke akuzuar njëri-tjetrin, duke shkarkuar fajin. Me shumë mundësi çështja do të shkojë në Gjykatën e Lartë.
Burimi i lajmit: Corriere Torino. Përshtatur nga Tirana Today
