Një tjetër konflikt pronësie ka përfunduar me plagosjen e një personi. Një grua është transportuar me urgjencë për në Tiranë, për një mjekim më të specializuar, pasi është dhunuar nga kunati dhe dy djemtë e tij.
Filimisht 55-vjeçarja është paraqitur në spitalin e Durrësit. Autorët e dyshuar janë shtetasit M.K. 61-vjeç dhe dy djemtë e tij, shtetasit A.K. 28-vjeç dhe A.K. 32 vjeç, të cilët në bashkëpunim me njëri-tjetrin, për motive pronësie janë konfliktuar dhe kanë goditur me sende të forta shtetasen Q.K.
“Më datë 23.09.2018, në urgjencën e Spitalit Rajonal Durrës ka ardhur e dëmtuar shtetësia Q.K. 55-vjeçe, banuese në Armath, Manëz, Durrës, e cila është dërguar për mjekim të specializuar në QSUT, Tiranë.
Nga veprimet hetimore të kryera rezulton se autorët e dyshuar janë shtetasit M.K. 61-vjeç dhe dy djemtë e tij, shtetasit A.K. 28-vjeç dhe A.K. 32-vjeç, të cilët në bashkëpunim me njëri- tjetrin, për motive pronësie janë konfliktuar dhe kanë goditur me sende të forta shtetasen Q.K”, bën me dije policia.
Materialet i kaluan Prokurorisë së Rrethit Gjyqësor Durrës, për veprime të mëtejshme, për veprën penale “Vrasja për shkak të marrëdhënieve familjare e mbetur në tentativë, e kryer në bashkëpunim”.
