Nga George Dvorsky/Vendimet e marrë në kohëra lufte janë monumentale. Çdo lëvizje dhe kundërvënie, ka potencialin për të ndryshuar rrjedhën e historisë. Ne tashmë e dimë tashme se si përfundoi Lufta e Dytë Botërore, por nëse disa nga betejat e saj do të kishin shkuar ndryshe, skenarët se si do të kishte përfunduar ai konflikt masiv, do të ishin tronditëse.
Gjermania pushton Britaninë në vend të Bashkimit Sovjetik
Pushtimi i Bashkimit Sovjetik në vitin 1941 nga Hitleri, rezultoi të ishte shkatërrimi i tij. Por pas kapitullimit të Francës një vit më parë, Hitleri e mori seriozisht në konsideratë pushtimin e Britanisë, në një operacion të quajtur “Sea Lion” (Luani i Detit).
Por Hitleri e anuloi këtë plan. Nëse operacioni do të zbatohej dhe do të kishte sukses, qeveria britanike dhe monarkia do të zhvendoseshin në Kanada. Nga atje, në bashkëpunim me amerikanët, aleatët mund të kishin planifikuar një pushtim të Afrikës, çka mund të çonte në inkursione të mëtejshme në Itali dhe Ballkan.
Japonia tërhiqet nga sulmi ndaj Pearl Harbor
SHBA-ja nuk do të kishte asnjë arsye për të hyrë zyrtarisht në luftë. Në një skenar të tillë, Britania dhe aleatët e saj kolonialë, do të liheshin në baltë. Mbështetja e Amerikës për Britaninë dhe BRSS, do të përbëhej ekskluzivisht nga ndihma materiale. Nuk do të krijohej asnjë Front i Perëndimit. Bashkimi Sovjetik, do të kishte sërish gjasa të mposhte Gjermaninë, dhe pas kësaj Stalini do të pretendonte kontrollin e gjithë Europës për vete.
Gjermanët pushtojnë Moskën në vitin 1941
Duke rrëzuar një fuqi të rëndësishme ushtarake, dhe i armatosur me burimet e mëdha të Rusisë, Rajhu i Tretë do të shndërrohej në autarkinë e fantazive të Hitlerit. Gjermania naziste do të kishte mundësi të shfaqej si një superfuqi, duke e mposhtur Britaninë dhe pretenduar të gjithë Lindjen e Mesme. Ai do të kishte zhvilluar aftësi bërthamore, duke ndezur një Luftë të Ftohtë me Shtetet e Bashkuara.
Rusia dhe Gjermania arrijnë një paqe të veçantë
Me rivendosjen e Paktit Molotov-Ribentrop, Gjermania mund të përqendrohej në mposhtjen e Britanisë. Por ky është ndër skenarët më të sforcuar për të paktën dy arsye. Së pari, Gjermania kishte dëshpërimisht nevojë për rezervat ruse naftës për të vazhduar luftën. Së dyti, Stalini do të qe jashtëzakonisht hezitues për lejimin e Gjermanisë që të vazhdonte të përparonte në Europë. Rajhu i Tretë, do të vazhdonte të përbënte një kërcënim serioz ekzistencial për BRSS.
Nazistët ndërtojnë bombën bërthamore para aleatëve
Duke pasur parasysh dëshirën e Hitlerit për të ashtuquajturat “armë të mrrekullive”, ka pak dyshime se ai do të kishte përdorur bombën atomike, nëse do e kishte atë. Nëse kjo do të kishte ndodhur, do kishte sjellë fitoren e Gjermanisë në të gjitha frontet. Fartmirësisht, nazistët nuk e vlerësuan asnjëherë si duhet potencialin e një arme, që ishte aq e lidhur ngushtë me “shkencën hebraike”.
Asnjë Front Perëndimor
Por të ishte për Uinston Çërçillin nuk do të kishte asnjë Front Perëndimor. Kur Shtetet e Bashkuara u futën në luftë, Çërçilli dhe ushtria britanike garantuan bazat për forcat amerikane. Nga aty lindi plani për zbarkimin në Normandi në qershorin e vitit 1944.
Komploti i korrikut 1944 për vrasjen e Hitlerit ka sukses
Nuk ka gjasa që vdekja e tij, të kishte sjellë me rënien e partisë naziste apo fundin e luftës. Por nëse komploti do të ishte i suksesshëm, Herman Gëring apo Hajrih Himler do të zinin vendin e Fyhrerit. Nazistët do të kishin vazhduar luftën, por do të kishte patur një shans më të madh për një dorëzim të hershëm
Pas pushtimit të Berlinit, Ushtria e Kuqe e Stalinit marshon drejt Perëndimit
Stalini mund të ishte në vinte nën kontrollin e tij gjithë Perëndimin. Ushtria e Kuqe përbëhej nga 12 milionë burra të shpërndarë në 300 divizione. Ndërkohë, aleatët perëndimorë kishin vetëm 4 milionë njerëz, të shpërndarë në 85 divizione.
Çërçilli niste menjëherë Luftën e Tretë Botërore
Nuk duhet nënvlerësuar skenari i aktit të paimagjinueshëm të kryeministrit britanik:vazhdimin e luftës kundër Bashkimit Sovjetik, pas rënies së Gjermanisë naziste. Ashtu si Stalini, Çërçilli kishte parashikuar armiqësi pas luftës, dhe pyeste veten nëse kishte kohë më të mirë për të fituar Luftën e Tretë Botërore.
Në vend të hedhjes së bombës atomike, aleatët pushtojnë Japoninë
Nëse presidenti amerikan Harri Truman, do të refuzonte të lëshonte bombën, Operacioni “Downfall” i pushtimit tokësor do të ishte vënë në veprim. Katër ishujt kryesorë do të pushtoheshin njëri pas tjetrit në disa faza, dhe do të angazhoheshin në total 30 divizione. Në kundërpërgjigje, japonezët do të mobilizoheshin në një rezistencë të ashpër që do të shkaktonte një kasaphanë në të dyja kampet. /bota.al
