Dy shqiptarë kanë rënë në pranga të policisë italiane. Ata ishin në bordin e një kamioni me targa shqiptare.
Në kamionin, i cili supozohej të transportonte bimë nga Holanda në Shqipëri, oficerët e policisë së shtetit gjetën disa armë lufte, më saktësisht katër pistoleta dhe katër armë automatike me kalibër 9×19 dhe municione të tjera.
Përveç armëve, u gjetën dhe sekuestruan edhe 9 kilogram kokainë. Të dy burrat u arrestuan menjëherë dhe u dërguan në burgun e Bolzanos. Ata nuk kanë thënë asnjë fjalë për akuzat e ngritura në drejtim të tyre.
