Përgjatë këtij sezoni veror, shumë pushues kanë humbur jetën, pasi janë mbytur në ujërat e bregdetit tonë.
Kështu, sot një 52-vjeçar ka pasur të njëjtin fat. Policia e Vlorës njofton se rreth orës 15.40, në Sallën Operative mbërriti një telefonatë se në vendin e quajtur “Kalaja”, në Ujë të Ftohtë, një shtetas ka qenë duke kërkuar ndihmë në det. Atij i është dhënë ndihma e parë nga pushues të rastit dhe është bërë e mundur nxjerrja e tij në breg.
Në vendngjarje ka shkuar edhe ambulanca, por edhe pse i është dhënë ndihma e parë edhe prej tyre shtetasi ka ndërruar jetë.
Nga verifikimi paraprak i policisë rezulton se personi i mbytur është shtetasi me inicialet L.B, 52 vjeç, banues në Patos. Grupi hetimor po punon për zbardhjen e plotë të rrethanave të ngjarjes.
