Shqipëria dhe Greqia ranë dakord që për çështjen e detit t’i drejtohen drejtësisë ndërkombëtare.
Por, për kolonelin Myslim Pashaj e mira do ishte që kjo çështje të zgjidhej ndërmjet dy vendeve.
Sipas tij, kryeministri Edi Rama, duhet të kishte njoftuar presidentin Ilir Meta dhe Kuvendin e Shqipërisë, pasi kjo ëështë një problem madhor me rëndësi shumë të madhe.
”Do të ishte e mirë për fqinjesinë e mirë që ne ta kishim zgjidhur këtë problem me Greqinë. ka pasur shkaqe të shumta, të forta, derisa është marrë vendimi të shkojë në Gjykatën Ndërkombëtare. Hap i rëndësishëm për t’i dhënë fund një kompleksiteti në dy vendet, për negociatat. Sepse nuk kishte rezultat.
Opinioni shqiptar nuk e ka të saktë se çfarë ka ndodhur në negociatat e mëparshme. Aktualisht, është ndërmarrë një hap i tillë. Ne jemi duke çuar kufij detarë në Hagë. Do donim që mos t’i çonim në Hagë, por të zgjidhej midis dy vendeve. Duhej vënë në dijeni Presidenti dhe Kuvendi i Shqipërisë. Është një problem madhor, ka rëndësi shumë të madhe’’, tha Pashaj në ‘Kjo Javë’.
Kolonel Myslim Pashaj, denoncoi marrëveshjen e ndarjes së kufirit detar Shqipëri-Greqi në vitin 2009, e cila më pas u rrëzua nga Gjykata Kushtetuese.
