Gomonia e ngarkuar me drogë e gjetur sot në Vlorë është nxjerrë në breg, ndërsa mësohet se ajo kishte ngecur në det.
Kjo është edhe arsyeja përse trafikantët e kanë braktisur gomonen e gjatë 5 metra, të tejmbushur me drogë, gjë që ka rrezikuar mbytjen e personave në bord, pasi mjeti ishte i vogël dhe me një motor.
Policia ka shoqëruar 3 persona që dyshohet të kenë lidhje me ngjarjen, ndërsa sasia e kapur është përllogaritur se është rreth 500 kilogramë.
Gomonia me drogë u gjet në afërsi të vendit të quajtur Petrolifera, pas gjetjes së një fuoristrade të zhytur, po ashtu e braktisur rreth 1 km larg.
Mësohet se gomonia është tërhequr nga mjeti që u gjet i zhytur në det mëngjesin e sotëm, pasi kishte ngecur në cekëtinën e Plazhit të vjetër nga ngarkesa e madhe me kanabis.
