Kryeministri Edi Rama njoftoi sot me anë të një postimi në Facebook se tashmë ka një kërkesë zyrtare për investimin e madh për aeroportin e Vlorës.
Ndërkohë, Ministria e Infrastrukturës dhe Energjisë ka dhënë detaje te tjera, lidhur me projektin për aeroportin e Vlorës.
Ky i fundit mendohet se do të ndërtohet në zonën e Akernisë, ndërsa oferta është paraqitur nga një konsorcium i tre kompanive ndër më seriozet, të cilat janë: Cengiz Construction; Kalyon Construction; Kolin Construction.
Me marrjen e ofertës, do të ngrihet një grup i posaçëm me përfaqësues nga Ministria e Infrastrukturës e Energjisë dhe Ministria e Financave dhe Ekonomisë që do shqyrtojë aspektet teknike të propozimit dhe do të ndjekë hapat e mëtejshëm në përputhje me përcaktimet ligjore.
