Zbardhen detaje nga përplasja me armë, e ndodhur sot në Selitë. Mësohet se një nga të plagosurit është shtetasi Gjon Pelivani, i cili thuhet se ka marrë një plumb në këmbë, dhe tjetri shtetasi Renato Hoxha, 31-vjeç, i cili ka marrë një plumb po në këmbë, në pjesën e kofshës.
Sipas te dhenave ende paraprake dhe jo zyrtare nga policia, flitet për një përplasje mes dy grupeve. Sherri ka qenë me tone të forta dhe ka ndodhur në lokal për arsye që ende nuk janë të qarta. Policia ka identifikuar autorin me inicialet A.M, i cili u shpall në kërkim, si personi që ka qëlluar me armë.
Njoftimi i policisë:
Tiranë
Informacion paraprak
Më datë 16.02.2018, rreth orës 12:30, në rrugën “Irfan Tomini”, gjatë një konflikti të çastit janë plagosur me armë zjarri në këmbë shtetasit R. H., 31 vjeç dhe Gj.P. 27 vjeç., të dy jashtë rrezikut për jetën.
Shërbimet e Policisë kanë shkuar në kohë në vendngjarje ku kanë bërë identifikimin e autorit dhe po punohet intensivisht pë kapjen e tij.
Pika të shumta kontrolli dhe në lëvizje për të bërë të mundur kapjen e autorit.
Grupi hetimor po vijon punën për zbardhjen e rrethanave të ngjarjes.
