Italianët kapin një tjetër sasi kolosale droge, vetëm 4 ditë pasi sekuestruan 2.3 tonë marijuanë.
Guardia di Finanza dhe Policia italiane, në bashkëpunim me Policinë e Shtetit kanë kryer një operacion ndërkombëtar antitrafik droge në orët e para të mëngjesit të sotëm.
GdF ndaloi një jaht me flamur të SHBA-ve në ujërat italiane, në zonën e Viestes, brenda të cilit u gjetën 3 ton e 992 kg marijuanë.
Gjithashtu, në ekuipazhin e mjetit lundrues ishin tre shtetas shqiptarë me iniciale F.M, E.V, dhe E.M, të cilët janë arrestuar.
Policia e Shtetit njofton se sipas hetimeve paraprake, ky mjet lundrues nuk ka shkelur ujëra shqiptare.
