Kuba i dhuroi Gjermanisë Lindore një ishull të vogël gjatë Luftës së Ftohtë, si simbol të miqësisë midis dy vendeve. Ishulli ishte territori i fundit zyrtar i Gjermanisë Lindore, pasi nuk u përmend në Traktatin që bashkonte Gjermaninë Lindore dhe atë Perëndimore në vitin 1990.
Gjatë Luftës së Ftohtë, CIA shpenzoi 3.8 miliardë dollarë vetëm për të prodhuar një krah çeliku nënujor afro 5 mijë metra të gjatë, për të nxjerrë në sipërfaqe një nëndetëse bërthamore sovjetike, e cila ishte mbytur pak kohë më parë.
Bashkimi Sovjetik rrëzoi një avion koreano-jugor pasagjerësh Boeing 747, që kishte hyrë aksidentalisht në hapësirën e tij ajrore gjatë Luftës së Ftohtë, duke vrarë të 269 personat që gjendeshin në bord. Ky incident, e nxiti SHBA-në të zhvillojë teknologjinë GPS që të mund të përdorej edhe për shërbime civile.
Në vitet 1960 në kulmin e Luftës së Ftohtë, Shtetet e Bashkuara të Amerikës organizonin vazhdimisht fluturime me avionë ushtarake që i bartnin bombat bërthamore në mbarë botën, si një masë parandaluese në rastin e një sulmi nga Bashkimi Sovjetik. Pesë prej këtyre avionëve u rrëzuan, dhe në të paktën 2 raste u shkaktua një ndotje e rëndë me materiale radioaktive.
Gjatë Luftës së Ftohtë, Bashkimi Sovjetik kishte shumë “qytete të mbyllura”, të kufizuara për të huajt dhe tejet të kontrolluara për qytetarët e vet. Ende sot Rusia ka një numër të madh qytetesh të mbyllura në ish-republikat sovjetike.
Satelitët spiunë arritën të zbulojnë që nga vitet 1960 dhe deri para pa vitesh, mbi 10.000 qytete të lashta, nëpërmjet fotografimit të gërmadhave, kryesisht në Lindjen e Mesme. Ekzistencën e këtyre qyteteve nuk e dinte askush, derisa fotot u rishikuan në vitin 2014. Mjerisht, fotot janë bërë përpara se shumë qytete moderne të ndërtoheshin mbi pjesën më të madhe të rrënojave arkeologjike.
Gjatë Luftës së Ftohtë, SHBA-ja përdorte projeksionet të shtrembëruara të hartës së botës, për ta bërë Bashkimin Sovjetik dhe Vietnamin të dukeshin si më të mëdha, më pranë kufirit amerikan, dhe për pasojë më “kërcënuese”.
Kryeministri indian Nehru, refuzoi anëtarësimin e përhershëm të Indisë në Këshillin e Sigurimit të OKB-së, për ta mbajtur larg vendin e tij politika e Luftës së Ftohtë.
Hitleri e parashikoi në një rast Luftën e Ftohtë. Ai tha: “Në botë do të mbeten vetëm dy Fuqi të Mëdha të afta për t’u përplasur me njëra-tjetrën:Shtetet e Bashkuara dhe Rusia Sovjetike”.
Qeveria e Shteteve të Bashkuara, kishte veç të tjerash edhe një plan për të “sulmuar” Hënën gjatë Luftës së Ftohtë, me synimin e frikësimit të sovjetikëve.
Gjatë Luftës së Ftohtë, agjentët e CIA-s përdorën një metodë të komunikimit të fshehtë mes tyre, bazuar në një mënyrë të veçantë të lidhjes së lidhëseve në këpucët e tyre.
Gjatë Luftës së Ftohtë, një oficer i marinës së Bashkimit Sovjetik, Vasili Arkhipov, pengoi shpërthimin e Luftës Bërthamore, duke qenë i vetmi nga 3 oficerët në bordin anijes B-59 që kundërshtoi lëshimin e raketave bërthamore kundër SHBA-së, pasi duhej një vendim unanim i të tre oficerëve për lëshimin e testeve me mbushje nukleare.
Bota nuk ishte më pranë një lufte bërthamore në shkallë të gjerë gjatë Krizës së Raketave Kubane apo edhe gjatë Luftës së Ftohtë, sikurse është theksuar shpesh, por më së afërmi në vitin 1995, kur një raketë e lëshuar në hapësirë për qëllime shkencore, u ngatërrua për një moment nga Moska si një raketë balistike bërthamore interkontinentale e SHBA-së.
Në kulmin e Luftës së Ftohtë, kodi i fshehtë që autorizonte lëshimin e raketave bërthamore nga Uashingtoni ishte “00000000”.
Për të provuar efektivitetin e avionëve “Warthog A10” në betejën ajrore, projektuesit amerikanë grumbulluan mbi 300 tanke ruse nga e gjithë bota, për të krijuar një skenar të betejës së Luftës së Ftohtë në shkretëtirën e Nevadas në Teksas.
Gjatë Luftës së Ftohtë, moderatori i njohur Ted Turner xhiroi një videokasetë, e cila do të transmetohej në televizionin CNN në prag të fundit të botës.
Ushtria amerikane kreu teste të ndryshme, në funksion të një programi armësh biologjike gjatë Luftës së Ftohtë në lagjet e varfra të St. Louis. Ato shkaktuan prekjen nga tumore të ndryshme të qindra qytetarëve, që nuk kishin asnjë dijeni për atë që po ndodhte.
Fidel Castro dhe 500.000 kubanë, morën pjesë në luftërat e Luftës së Ftohtë dhe në luftën kundër kolonializmit në Afrikë, duke çuar në pavarësinë e Guineas, Mozambikut dhe Angolës nga sundimi portugez
Një bunker i Luftës së Ftohtë, u zbulua pas viteve 1990 poshtë urës së Bruklinit në Nju Jork. Gjatë Luftës së Ftohtë, qeveria federale amerikane planifikoi një skenar të njohur si Plani C, i cili do të vendoste ligjin ushtarak, do të arrestonte ata që ishin të lidhur me organizatat “subversive”, krijonte një bord të censurës, dhe përgatiste vendin për jetën pas sulmit bërthamor. Nuk kishte asnjë plan Plan A apo B.
Gjatë Luftës së Ftohtë, qyteti sekret i Zheleznogorskut prodhonte plutonium për bombat bërthamore. Njëri nga reaktorët prodhonte ngrohje dhe energji elektrike për popullsinë lokale, dhe për këtë arsye nuk mund të fikej. Kështu ai vazhdoi të prodhonte plutonium të mjaftueshëm për të ndërtuar një bombë të re në çdo 3 ditë, deri kur u mbyll në vitin 2010.
Përshtati për Tirana Today, Alket Goce
