Zbulohen detaje të reja lidhur me krimin e ndodhur para dy ditësh në Zallbastar të Tiranës, ku u vra 34-vjeçari Arben Gjeci.
Ky i fundit mësohet se kishte një lidhje dashurie me një vajzë 20 vjeçare, e cila ishte e martuar me dikë tjetër.
Mësohet se Gjeci ka marrë plagë të rënda në kokë, pasi ka qenë vëllai i të resë ai që e ka goditur atë, teksa ka qenë në dijeni të lidhjes jashtëmartesore të së motrës.
20-vjeçarja, E. Cani, e cila është arrestuar për veprën penale “Veprime që pengojnë zbulimin e së vërtetës” ishte e martuar me shtetasin D.K., 29 vjeç, edhe ky i arrestuar, njëkohësisht është motra e autorit dhe e dashura e viktimës.
Bashkëshorti i 20-vjeçares, D.K. , 29 vjeçe dyshonte se gruaja kishte një lidhje jashtëmartesore dhe për këtë ka vënë në dijeni vëllain e saj E.Cani, 31 vjeç. Të dy bashkë e kanë ruajtur dhe e kanë kapur teksa është takuar me 34-vjeçarin, të cilin më pas e kanë dhunuar rëndë duke i shkaktuar dëmtime të mëdha, raporton BW.
20-vjeçarja nuk ka treguar në polici, ndaj pas zbardhjes së ngjarjes është vënë po ashtu në pranga. Edhe bashkëshorti i saj D.K. është arrestuar për veprën penale “Veprime që pengojnë zbulimin e së vërtetës” dhe “Prodhim dhe shitje të lëndëve narkotike”, pasi në banesën e tij është gjetur një sasi lënde e dyshuar kanabisi.
