Detaje të reja janë zbuluar pas aksidentit të ndodhur në Qafë Thanë, kur autobusi me nxënës të shkollës së Roskovecit u përmbys, duke lënë 7 të plagosur. Një qytetar i cili ka qenë dëshmitar i kësaj ngjarje, i ka shkruar Berishës, duke përcjellë detaje tronditëse.
Sipas tij, shoferi kishte pirë birra. Qytetari tregon gjithë dinamikën e ngjarjes. Autobusi me rreth 40 nxënës të një gjimnazi të Bashkisë Roskovec, është përplasur fillimisht me shkëmbin, dhe më pas me anësoret e rrugës.
Ai thotë më tej se ndodhej në makinën pas autobusit. Pasi ka lajmëruar numrin 112, në vendin e ngjarjes ka ardhur një ambulancë. Fëmijët i kanë nxjerrë nga dritarja, pasi dera ka qënë e bllokuar. Nxënësit janë transportuar me makina të rastit. Më e rëndë bëhet fakti që mësueset kanë porositur nxënësit që këtë aksident mos ta bënin publik.
