Pasditen e sotme janë plagosur tre persona me armë zjarri në Laç, ku një person ka qëlluar mbi ta, ndërsa shkak mendohet të ketë qenë një konflikt çasti ndërmjet tyre.
Tre të plagosurit janë nisur në spitalin e Traumës në Tiranë, ndërsa në pranga është vënë një person.
Të plagosur kanë mbetur Gazmend, Bajram dhe Islam Shaploci.
Islam Shaploci është në gjendje, si dhe autori i ngjarjes, Gegë Gega, i cili është plagosur me mjete të forta gjatë konfliktit.
“Sot, rreth orës 17:02 është marrë njoftim tek Salla Operative, se në Sanxhak në Kurbin, ka ndodhur një plagosje me armë zjarri.
Menjëherë në vendngjarje kanë mbërritur forcat policore që kanë konstatuar shtetasi G.G.ka plagosur me armë zjarri 3 shtetas, I.Sh., B.Sh. dhe G.Sh. të cilët ndodhen në spitalin e Traumës në Tiranë, nën kujdesin mjekësor.”, njofton policia.
Njoftimi i policisë:
Kurbin
Informacion paraprak
Sot, rreth orës 17:02 është marrë njoftim tek Salla Operative, se në Sanxhak në Kurbin, ka ndodhur një plagosje me armë zjarri.
Menjëherë në vendngjarje kanë mbërritur forcat policore që kanë konstatuar shtetasi G.G.ka plagosur me armë zjarri 3 shtetas, I.Sh., B.Sh. dhe G.Sh. të cilët ndodhen në spitalin e Traumës në Tiranë, nën kujdesin mjekësor.
Motivi dyshohet pas një konflikti të çastit ndërmjet tyre.
Gjithashtu, në spital për ndihmë mjekësore ndodhet edhe shtetasi G.G., pasi gjatë konfliktit fizik ka pësuar lëndime, ku i është bërë edhe arrestimi.
Në cilësinë e provës materiale është sekuestruar arma e zjarrit tip automatik.
Grupi hetimor nën drejtimin e Prokurorisë së Rrethit Gjyqësor Kurbin, ndodhen në vendngjarje e po hetojnë për zbardhjen e plotë të rrethanave të ngjarjes.
