Juria e Gjykatës së Rrethit Gjyqësor Bruksel të martën dënon Michaël Van de Vreken për vrasjen e ish-gruas së tij nga Shqipëria, Vjollca Hoxha. Trupi i saj u zbulua në mars të viti 2017 në kanalin Brukselit-Charleroi. Pas disa orësh debati, Gjykata Assesi e dënoi të pandehurin me 21 vjet burgim. Michaël Van de Vreken e qëlloi për vdekje shqiptaren Vjollca Hoxha, më 12 mars 2017, në banesën e tyre në Jette.
Historia
Vjollca Hoxha kishte lënë Shqipërinë, vendin e saj të origjinës, për të ikur nga mjerimi, sipas nënës së saj, e cila dëshmoi të martën në mëngjes përpara gjykatës së Brukselit. Michael Van De Vreken, një 33 vjeçar, akuzohet për vrasjen e ish-gruas se tij Vjollca Hoxha. Ngjarja ka ndodhur në Jette më 12 mars 2017.
Bashkëjetuesi belg vrau shqiptaren, vjen dëshmia tronditëse e nënës
“Vajza ime ishte në shkollën e mesme, në atë kohë 17-vjeçare dhe ajo pati një marrëdhënie me një djalë nga një fshat fqinj. Pastaj ata u fejuan dhe shkuar për të jetuar në Tiranë. Ajo punonte si kameriere në një bar dhe më pas shkoi në Belgjikë. Vajza ime donte të një jetë më të mirë, gjithashtu po kërkonte një person më të mirë…”, tha të martën në mëngjes, nëna e Vjollca Hoxhës, përpara trupit gjykues.
“Ajo më tha se në Bruksel ka punuar përsëri si kamariere. Një ditë, ajo më shpjegoi se ajo po jetonte me një burrë me emrin Michaël. Në shkurt 2016, ajo erdhi me të për të na vizituar në Shqipëri. Ata dukeshin të dashuruar dhe ai dukej një djalë i mirë”, tha më tej ajo.
“Disa muaj më vonë, Vjollca më shpjegoi se kishte konflikte midis tyre, kryesisht për arsye financiare. I thashë se nuk ishte një ide e mirë për të qëndruar me të. Ndjeva se po vuante. Por kjo është e gjitha ajo që unë kuptoja”, tha nëna e të ndjerës.
“Që femijë , Vjollca ishte një vajzë e adhurueshme. Ne jemi një familje e madhe, por Vjollca ndryshe nga të gjithë falte shumë dashuri. Ajo ishte e admirueshme. Ajo ishte vetëm 22 vjeç … “, tha nëna në fund të dëshmisë.
Ajo gjithashtu mohoi se e kishte kërcënuar vajzën e saj për t’u martuar me një shqiptar, nëse ajo do ndahej nga Michaël Van De Vreken. Ajo gjithashtu mohoi se e kishte kërcënuar të pandehurin me hakmarrje. “Nuk do të hakmerremi dhe shpresojmë që drejtësia të jetë e vlefshme. Kam besim në drejtësinë belge,”tha ajo.
Michael Van De Vreken, një belg 33 vjeç, akuzohet për vrasjen e Vjollca Hoxhës më 12 mars 2017 në banesën e tyre në Jette. Ai i tha policisë se ai nuk kishte ndërmend ta vriste.
I akuzuari dhe viktima ishin ndarë pas disa mosmarrëveshjesh. Vjollca Hoxha vazhdoi të jetonte në banesën e tyre në Jette ndërsa Michaël Van De Vreken u kthye për të jetuar me prindërit e tij në Meise, me të dashurën e tij të re.
Më 26 mars 2017, tre persona në bordin e një motoskafi në kanalin e Brukselit-Charleroi pranë Laeken zbuluan një kufomë që lundronte në ujë.
Pas autopsisë, viktima u identifikua si Vjollca Hoxha, një 22-vjeçare shqiptare. Nga ekspertiza mjeko-ligjore ishte hedhur poshtë pista e mbytjes.
Vjollca Hoxha mbërriti në Belgjikë në vitin 2014 dhe kishte punuar si prostitutë në Rue d’Aerschot në Schaerbeek. Në vitin 2015, ajo kishte qenë viktimë e trafikimit të qenieve njerëzore dhe shfrytëzimit seksual. Më pas ajo jetonte në Jette me Michaël Van De Vreken, një nga ish-klientët e saj./Përshtati: Tirana Today/
