Kroacia e fitoi ndeshjen e parë në Botëror përballë Nigerisë me rezultatin 2-0, por deklarata e trajnerit Zlatko Dalic në fundin e takimit i la të gjithë me gojë hapur. Ai u shpreh: “Gjithcka shkoi mirë në fushën e lojës, por kishim dhe një problem”. Së fundmi është raportuar se në përfaqësuese do të ketë një përjashtim dhe ai do të jetë sulmuesi i Milanit Nikola Kalinic.
Ky i fundit ka refuzuar kërkesën e trajnerit për tu hedhur në fushë si zëvendësues dhe pritet që masa ndaj tij të jetë mjaft e ashpër. Sipas portalit kroat 24sata, trajneri Zlatko Dalic i kërkoi Kalinicit të futet në vend të Mario Mandzukic në pesë minutat e fundit, por sulmuesi ia ktheu duke thënë se nuk mund të futet pasi ka probleme me shpinën.
Kështu në vend të tij u fut Marko Pjaca dhe kjo gjë normalisht që nuk i ka pëlqyer trajnerit korat. E gjitha kjo pritet të konfirmohet në konferencën për media të Kroacisë. Ndeshja e ardhshme e përfaqësueses kroate në Grupin D është ndaj Argjentinës dhe pastaj kundër Islandës. Vlen të theksohet Kalinic në sezonin e fundit ishte pjesë e Milanit.
