Andrea Pirlo është padyshim një lojtarë që do të mbahet mend shumë gjatë në botën e futbollit, pasi luajti në tre ekipet më të mëdha në Itali dhe asnjë tifoz nuk e urren atë. Pirlo ishte pjesë e Interit deri në vitin 2001, por zikaltërit nuk i besuan kualitetit të tij dhe e larguan për të komshinjtë e Milanit. Aty gjeti një profesor si Anceloti që u besoi këmbëve të tij dhe e vendosi në zemër të ekipit, për të organizuar lojën.
Këtu fillon zhgënjimi për Morattin dhe drejtuesit e tjerë të Interit, pasi për një dekatë me kuqezinjtë arriti të fitonte dy kampionate, dy Champions League dhe një Botëror me kombëtaren italiane në 2006-ën. Kur Allegri ishte në krye të Milanit, në 2011 bëri të njëjtin gabim si Inter, pasi menduan që vitet e kishin konsumuar Pirlon dhe nuk mund të jepte më. Kështu që i hapën rrugën një transferimi të “arkitektit” tek Juventus, që brenda vitit u bë një ndër lojtarët kyc të bardhezinjëve dhe i ndihmoi të ishin për katër vite kampion të Italisë.
Pengu më i madh për italianin është ajo finale Championsi në 2015 kundër Barcelonës, që nuk arritën ta fitonin dhe më pas bëri divorcin me Juven dhe ndoshta aty filloi largimi i tij nga futbolli. Pasi u largua drejt Amerikës, ku futbolli nuk është në qendër të vëmendjes si në Europë. Dy vite do të qëndrojë në MLS, për të vendosur të “varë këpucët në gozhdë” dhe të largohet përfundimisht nga futbollist aktiv. 5 minutat që luajti në sfidën Play-off të Major League Soccer mes Neë York City-it dhe Columbus Crew ishin të fundit për Andrea Pirlon në karrierën e tij si futbollist.
