Ka përfunduar sot seanca në Gjykatën e Krimeve të Rënda për cështjen Shullazi.
Gilmando Dani, shok i Emiljano Shullazit “është “zbërthyer” në gjyq, teksa ka dhënë dëshminë e tij.
Ai ka rrëfyer në seancë si është njohur me biznesmenin Ylvi Beqja dhe pse ka tërhequr para në emër të tij në bankë, bashkë me shokët e tij:
“Ylvi Beqjan ma prezantoi Emiljano Shullazi në shtëpinë e tij. Ylviu kërkonte ndihmë pasi ndihej i kërcënuar nga Zamir Hasa dhe nga burokracitë në regjistrimin e Vollgës në hipotekën e Durrësit. Beqja me kërkoi të tërheq disa çeqe në banke. I tërhoqa paratë dhe ia dhashë në dorë. Me kërkesë të tij tërhoqi çek edhe Endri Qyqja dhe Endri Zela. Qyqja tërhoqi 16 mijë euro, që u përdorën për një faturë në hipotekën e Durrësit”, ka deklaruar Gilmando Dani.
Në seancën e sotme mungonte Emiljano Shullazi, ndërsa tre të pandehurit e tjerë nuk dhanë pëlqim për t’u marrë në pyetje.
