Ditën e sotme një denoncim publik ka ardhur nga spitali Infektiv. Një grua thotë se ka të ëmën të shtruar me Covid-19, dhe se nënës së saj nuk i kanë dhënë as ujë.
“Nëna më tha nuk më japin ujë dhe nuk më ndërrojnë. Edhe koordinatorët nuk dinë të sillen. Shumë keq situata. Vijnë shumë dhe vdesin shumë. Nuk janë ato shifrat që publikojnë. Ndërkohë që nuk kemi asnjë lloj informacioni. I thashë doktoreshës që ta marr nënën në shtëpi dhe të japë frymën e fundit, të vishet si njeri, mos ta hedhë me qese si…”, u shpreh gruaja për mediat jashtë Infektivit.
Mjekimi në Lushnje ishte i rëndë ia nisa në shtëpi dhe për dy ditë u bë më keq. E pashë që s’po shkonte mirë puna. Mora 127 e sollën direkt e në Tiranë. Prej 8 ditësh është e shtruar, prej dy-tri ditësh nuk kam asnjë kontakt me të. Infermierët s’kanë të drejtë të më informojnë, por as mjekët s’kanë komunikuar.”,-tha ajo.
Mungesa e shërbimit dhe trajtimit në të dy spitalet COVID në Shqipëri është denoncuar edhe nga të afërm të tjerë të pacientëve.
