Rumania që kryeson Këshillin e Unionit shpreson që Shqipëria dhe Maqedonia e Veriut të marrin një ftesë të qartë për hapjen e negociatave me Bashkimin Europian.
Ky është qëndrimi i ministrit të Jashtëm rumun, Teodor Melescanu, i cili duke folur për Deutsche Wellen, shtoi se Ballkani Perëndimor do të jetë në axhendën e takimit të ministrave të Jashtëm të BE-së që do të zhvillohet më 31 janar në Bukuresht.
Pozicioni ynë kombëtar është mbështetja e përshpejtimit të negociatave me Serbinë dhe Malin e Zi në drejtim të hapjes së kapitujve të rinj për negocim. Ne dëshirojmë, dhe ky do të jetë propozimi im, që Maqedonia Veriore dhe Shqipëria të marrin një ftesë të qartë për hapjen e negociatave me Bashkimin Europian,” tha Melescanu.
