Pentagoni njoftoi se e kupton shqetësimin e Turqisë lidhur me “Forcat e Sigurisë Kufitare” në Siri, duke shtuar se këtë çështje po e diskutojnë me Turqinë, raporton Anadolu Agency (AA).
Eric Pahon, zëdhënës i Pentagonit, deklaroi se me Turqinë mbajnë komunikim të afërt lidhur me këtë çështje.
“E kuptojmë shqetësimin e Turqisë lidhur me Forcat e Sigurisë Kufitare, stërvitja e të cilëve po zhvillohet momentalisht. Kemi komunikim të afërt me zyrtarët e Turqisë lidhur me këto çështje”, tha Pahon.
Në pyetjen nëse janë bërë negociata lidhur me formimin e “Forcave të Sigurisë Kufitare”, theksoi se zyrtarët amerikanë pikërisht mbi këtë bisedojnë me zyrtarët e Turqisë.
“Pikërisht kjo është temë e diskutimit midis zyrtarëve të administratës amerikane dhe zyrtarëve turq”, tha Pahon, duke shtuar se nuk mund të hyjë në detajet e vetë bisedës.
Rikujtojmë se SHBA-të para do kohe paralajmëruan se koalicioni ndërkombëtar kundër DEASH-it i kryesuar nga SHBA-të, me Forcat Demokratike Siriane (SDG), grupin të cilin e kontrollon organizata terroriste PKK/PYD, do të themelojnë forca të reja të sigurisë kufitare prej 30.000 ushtarëve.
Turqia dënoi këtë hap, duke theksuar se është i gabuar dhe kontestues bashkëpunimi me organizatën terroriste PKK/PYD në luftën kundër DEASH-it.
