Mbaron shumë shpejt aventura e Besnik Hasit tek Olimpiakosi, i cili vetëm dy muaj pas nënshkrimit është shkarkuar. Kur kampionati kishte vetëm pesë javë që kishte filluar Olimpiakos vendos ta shkarkojë.
Deçizive ishte humbja në derbi, ndaj AEK, ku Olimpiakos humbi 3-2, në një ndeshje mjaft të tensionuar, ku skuadra e Hasit ishte në avantazh të dy golave, por u përmbys në 30 minutat e fundit.
Zgjedhja e Hasit në krye të Olimpiakos nuk u prit aspak mirë nga opinioni sportiv grek, për shkak të origjinës së tij, por pavarësisht kësaj Hasi ia doli të kualifikojë ekipin grek në fazën e grupeve të Champions League.
Gjithsesi, tre ndeshje radhazi pa fitore në kampionat, e kanë bindur presidentin e Olimpiakos të shkarkojë teknikun gjakovar nga drejtimi i klubit.
