Deputetja demokrate, Albina Deda është kundërpërgjigjur ndaj publicistit Prec Zogaj, i cili vlerësoi marrëveshjen Rama-Basha si “armëpushim” të PD-së ndaj PS-së dhe si një akt që shërbeu për maskimin e problemeve reale.
Edhe pse e përjashtuar nga mundësia për tu bërë pjesë Parlamentit të ri, Albina Deda duke se është pozicionuar fort në krah të Bashës, në betejën e ashpër që ka përfshirë bazën dhe fraksionet në PD.
“Koha e faktet po konfirmojne se ulerimat ne emer te demokracise te grupit anti-Basha jane kopje shemtire te koheve te lashta te herezise. Por çudia qe me se pakti me çudit eshte reagimi i sotem po aq pervers e kontravers i Preç Zogajt i cili u rrjeshtua me ane te sofizmave te tij antianalitik kunder z.Basha. Kjo ne malesi nuk eshte veç paburrni por thjesht fare tradhti”, shkruan ajo në një postim në faqen e saj në FB.
Me një gjuhë fyese dhe denigruese, Deda i drejtohet Zogajt; “Me perdredhjet e tij 25-vjeçare, ne fakt ka deshmuar se i mungon shtylla kurrizore si njeri, politikan, analist e politolog. Ai sa here zhagitet e jargitet per pushtet ne mungese te doktrines qe duhet te kete nje personalitet”.
Duke i kujtuar atij se ishte Basha ai që e kandidoi në Lezhë, Deda shkruan: “Kjo humbje ka thjesht targen tende Prec Zogaj. Nese do ta perkufizoja kimikisht qendrimin tend or Preç, do te perfundoja me nje fjali :”Riciklimi i te ricikluarve eshte ne kushtet e pamundesise”.
