Deputetja e Partisë Demokratike, Mimoza Hajdarmataj, me anë të një statusi në rrjetin social Facebook, shkruan se tashmë është koha për analizë, debate, reflektime dhe jo për fletërrufe.
Deputetja shkruan se në krye të Partisë Demokratike ka një “kryetar të përhershëm” dhe ai është anëtari dhe militanti demokrat.
Statusi i Hajdarmataj:
Koha për analizë, debate, reflektime dhe jo më për fletërrufe online apo shfaqje mode në televizion.
Kolegëve (sepse për mua në politikë nuk ka ISH), ju lutem mos u vetëfyeni më para sakrificave dhe punës aq fisnike të cdo demokrati e demokrate, në struktura dhe jashtë tyre, me këtë kryqëzatë mllefesh.
Në krye të PD-së ka një “kryetar të përhershëm” dhe ai është anëtari dhe militanti demokrat !
Pas çdo fushate e aq më tepër të atyre që mbyllen me disfatë, vjen koha për analizë, debate, reflektime por jo për fletërrufe.
PD është parti e lirisë dhe vlerave të saj.
E tillë duhet të jetë edhe gara dhe vota e lirë.
Ne që luftojmë aq shumë që Shqipëria ta arrijë këtë, duhet të japim shëmbullin së pari nga shtëpia jonë politike.
Të presim të qetë dhe të punojmë për standardet e 22 Korikut.
