Deputeti i PS-së, Alket Hyseni, është një ndër politikanët që nga ish-doganier është bërë një “miliarder”. Nga të dhënat rezulton se ai ka një masuri marramendëse, e cila vallë a mund të justifikohet nga puna e tij që ka bërë në doganë?
Me shumë gjasa nuk do të ishte e mundur, nëse ai nuk do të ishte pjesë e Partisë Socialiste, por falë lidhjeve të tij klienteliste.
Rezulton se Hyseni ka qenë një student i shkëlqyer, i cili ka qenë i punësuar si doganier në Kapshticës.
Pra, përveçse doganier Alket Hysenit, ka qenë dhe drejtor i Pastrimit të Parave dhe që ka qenë një nga njerëzit e afërt të Ramës në kryeministri, i cili do merrej me abuzimet, me pronat, ndërkohë që është denoncuar dhe kallëzuar vetë për një çështje të tillë.
Mësohet se ai është përfshirë në një sërë skandalesh, me miliona euro në doganën e Kakavijës.
“Juristi i shkëlqyer”, shembulli më i mirë nga dogana se i mundi të bëhesh pjesë e elitës politike, për të dalë më pas, duke dhënë mend në media.
Vetëm 44 vjeç si dhe i kanë mjaftuar pesë vite të mira, në doganë, me studio ligjore, që pasuria ti shkojë në miliona dollarë.
Shtatë apartamente banimi, ku më vogli është me sipërfaqe 120 metra katrorë, ndërsa më i madhi ka një sipërfaqe prej 225.6 m2, kanë kushtuar mbi gjysmë milioni euro.
8 garazhe, të cilat kanë kushtuar rreth 19 mijë euro si dhe prona të patundshme që kapin shifrën e mbi 200 mijë eurove, rezultojnë në listën e pasurive prej rreth një milion euro të Hysenit. TIRANA TODAY
