Deputeti i Partisë Demokratike, Agron Shehaj është mjaft skeptik lidhur me kompensimin e banorëve të përmbytur nga qeveria shqiptare.
Shehaj shkruan në një postim në Facebook se banorët e përmbytur në shkurt të 2015-ës ende presin kompensim nga shteti, duke e konsideruar premtimin e sotëm për ndihmë nga qeveria një shfaqje të radhës së Ramës.
“Këta banorë të përmbytur në 2015 u mashtruan dhe akoma po presin kompensimin e premtuar nga Rama. Sot Rama bën shfaqjen e rradhës dhe iu premton kompensim për 2017. #ramaperoscar”, shkruan deputeti Shehaj në Facebook.
Edhe kreu i PD-së, Lulzim Basha është treguar mjaft kritik me Ramën sot, teksa shkroi se kryeministri bën vetëm propagandë dhe asgjë më shumë.
