Një studim i kryer së fundmi ka arritur në përfundimin se depresioni te vajzat është i lidhur veçanërisht me përdorimin e rrjeteve sociale.
Shkalla e lartë e depresionit te vajzat është e lidhur me kohën që ato shpenzojnë në rrjetet sociale, me talljen që u bëhet online si dhe me orët e pakta të gjumit, duke ndikuar në një gjendje aspak të mirë emocionale.
Tre e katërta e vajzave 14-vjeçare që vuajnë nga depresioni kanë nivel të ulët vetëvlerësimi, nuk janë të lumtura me mënyrën se si duken dhe flenë më pas se 7 orë çdo natë.
Por, duket se nga ana tjetër, përdorimi i rrjeteve sociale nuk ka këtë efekt negativ te meshkujt.
“Vajzat vuajnë dhe po luftojnë me këto aspekte të jetës më shumë se djemtë”, thotë Yvonne Kelly nga Universiteti i Kolegjit të Londrës që udhëhoqi studimin.
Studimi është bazuar në rreth 11 mijë intervista me 14-vjeçare. Në studim u zbulua se dy në pesë vajza janë në media sociale të paktën tre orë në ditë në krahasim me një të pestën e bashkëmoshatarëve të tyre meshkuj. Ndërsa një në 10 djem nuk përdorin fare mediat sociale, vetëm 4% e vajzave thanë të njëjtën gjë.
“Lidhja midis përdorimit të mediave sociale dhe simptomave depresive ishte më e fortë për vajzat krahasuar me djemtë. Për vajzat, orët e përditshme më të mëdha të përdorimit të mediave sociale korrespondonin me një rritje graduale të simptomave depresive,” shpjegoi Kelly./ Burimi: The Guardian; Përshtati TIRANA TODAY
