Taulant Muka, studiuesi i cili denoncoi Ervin Demon për plagjiaturë dhe më pas u emërua në postin e tij si zv. ministër i Arsimit, ka shuar të gjithë zërat. Ai ka zgjedhur që të flasë lidhur me propozimin e bërë nga kryeministri Rama.
I pyetur në emisionin “Kjo javë”, se kush ia bëri propozimin dhe se si e priti, Muka konfirmoi se propozimi ka ardhur dy javë më parë. Vetë Rama i ka dhënë një përgjegjësi të plotë, të cilën Taulant Muka e mori përsipër.
“Unë kam qenë në Kryeministri. Kjo ka ndodhur dy javë më parë, dhe shkova i përgatitur. Kryeministri në atë moment më ka thënë; ky ka qenë një prioritet i qeverisë. Më tha eja dhe bëje”. Ai tregon më tej se ishte i papërgatitur, por koha do e tregojë se me sa përgjegjësi e ka marë këtë punë.
Për plagjiaturën të foli kryeministri?
Ishte një ofertë, e cila fillimisht më shtangu. Kam reflektuar mbi momentin e marrjes së pozicionet, pasi unë kam një pasion për shkencën. Sigurisht se treguesi më i mirë është koha, dhe ajo do më tregojë se jam apo jo i duhuri.
Ju keni lënë Zvicrën për Shqipërinë?
S’jam pishman, por kauza dhe pasioni më shtyn për të hyrë këtu.
Ka patur një perceptim në rrjetet sociale. Jeni ndjerë fajtor fillimisht, si i keni parë komentet në adresën tënde?
Pse duhet të jem fajtor, kur unë dua të përmirësoj arsimin dhe universitetin. Nuk jam fajtor për vendimin tim. Unë arsimin e shoh as majtas, dhe as djathtas. Një arsim i mirë zhvillon shoqërinë. Jetojmë në një shoqëri shqiptare. Në momentin që mora vendimin e kam njohur Demon, ai ka qenë drejtor i marrëdhënieve me publikun.
Keni patur takim me Demon pas largimit?
Jo s’kemi patur asnjë komunikim.
