Komisioni i Disiplinës në UEFA, ka marrë vendimin drastik për klubin korçar, duke i dhënë kështu një përjashtim shumë të rëndë klubit të Skënderbeut.
Ky i fundit është përjashtuar 10 vjet nga të gjitha kompeticionet e UEFA-s. Jo vetëm kaq, por gjithashtu është gjobitur me 1 milion euro.
Skënderbeu është dënuar në vendimin e datës 7 shkurt 2018, nga komisionet disiplinore pranë organit më të lartë të organizatës europiane të futbollit.
Më vonë, do të zbadhen edhe detaje të reja nga vendimi i UEFA-s.
Ja shkresa e plotë e dalë nga UEFA:
Kërkesa e inspektorëve të etikës dhe disiplinës së UEFA-s
Bazuar në konsideratat e sipërpërmendura, Inspektorët e Etikës dhe Disiplinës u kërkojnë Komisionit të Disiplinës së UEFA-s që:
1 – T’ia referojnë çështjen Komitetit të Apelit të UEFA-s në përputhje me nenin 34 (3) të Statutit të UEFA-s dhe nenit 29 (3) DR.
Në çdo rast, kërkohet me respekt që autoriteti përkatës i UEFA-s:
2 – Të deklarojë se Skënderbeu është i përjashtuar nga pjesëmarrja në kompeticionet e UEFA-s për dhjetë (10) vite.
3- Të vendosë një gjobë 1.000.000 për Skënderbeun.
Inspektorët e Komisionit të Etikës dhe Disiplinës ruajnë të drejtën për të ndryshuar raportin e tyre nëse vihen në zotërim të informacioneve të tjera në lidhje me këtë çështje.
Nyon, 7 shkurt 2018.
Miguel Lietard Fernandez-Palacios, avokat
Karl Doht, ekspert bastesh
Inspektorët e Komitetit të Etikës dhe Disiplinës të UEFA-s
