Taulant Xhaka nuk do të jetë i gatshëm për një periudhë kohe të papërcaktuar. Mesfushori i kombëtraes shqiptare u dëmtua në ndeshjen kundër FC Zurich dhe iu desh që të zëvendësohej. Mesfushorit i Kombëtares la fushën e lojës pasi pati një dëmtim të pjesës së brendshme të gjurit të këmbës së djathtë.
Bëhet fjalë për ligamentet e brendshme të gjurit, teksa klubi nuk ka dhënë më shumë detaje për kohën që do t’i duhet mesfushorit për t’u riaftësuar. Çdo gjë mbetet e paqartë për shkak se klubi ende nuk ka detaje të hollësishme. Priten analizat dhe më pas do të përcaktohet se sa do të mungojë një nga shtyllat e ekipit tonë kombëtar.
