Dëmtohet Lilaj, Panucci i ‘rrëmben’ Bushit kapitenin e Shpresave

Dëmtimi i Sabjen Lilajt gjatë stërvitjes me kombëtaren shqiptare në Durrës, bëri që Panucci ta gjente zëvendësuesin tek ekipi i Shpresave dhe zgjodhi pikërisht kapitenin Keidi Bare. Mesfushori është pjesë e ekipit të Atletico Madrid dhe shihet si një lojtarë me një të ardhme të ndritur.

Por pas largimit të Keidi Bares, drejt Kombëtares A, trajneri Alban Bushi, ka menduar ta zëvendësoj mesfushorin me talentin e Vllaznisë, Erald Çinari. Anësori shkodran do t’i bashkohet skuadrës gjatë ditës së sotme për tu venë në dispocizion të trajnerit. Mungesa e alternativave nga krahët, por edhe dëmtimi i Çekiçit gjatë takimit të djeshëm, duket se kanë bindur trajnerin Bushi, të thërrasë Çinarin për takimin e kthimit ndaj Sllovakisë.