Ish-ministri i Brendshëm, Dritan Demiraj ka kujtuar policët e rënë në detyrë në ditën e tyre.
Me anë të një postimi në Facebook, Demiraj shkruan se ata sot ndihen të tradhtuar pasi krimi ka arritur mbështetjen e niveleve më të larta të politikës, por edhe të disa prej drejtuesve të policisë.
“Krimi, bandat dhe mafia duhen mposhtur, por kjo bëhet e mundur vetëm me lidership te vendosur, qeveri dhe drejtues të ndershëm, që nuk mbrojnë apo ndajnë pushtetin me ta, por që i luftojnë dhe ndëshkojnë pa mëshirë”, shkruan ish-ministri në postimin e tij.
POSTIMI I PLOTË:
Te nderuar miq!
Sot është dita e të rënëve të policisë në krye të detyrës, një ditë që na kujton për te gjithe ata burra nën uniformë qe me kurajo, trimeri dhe integritet dhanë jetën në luftë kundër krimit dhe per zbatimin e ligjit.
Askush nuk ka bërë më shumë se ata për rendin dhe drejtësinë në këtë vend. Për te treguar vlerësim per heroizmin dhe veprën e tyre ka vetem nje menyre: beteje pa kompromis kunder krimit, krimineleve, trafikanteve dhe bandave te droges.
Për fat të keq, ata, ashtu si edhe ne, skane si te mos ndihen të tradhëtuar pasi krimi kunder te cilit ata luftuan ka arritur te kete mbeshtetjen e niveleve me te larta te politikes por edhe disa drejtuesve te policise.
Krimi, bandat dhe mafia duhen mposhtur, por kjo bëhet e mundur vetëm me lidership te vendosur, qeveri dhe drejtues te ndershem, që nuk mbrojne apo ndajne pushtetin me ta, por qe i luftojne dhe ndeshkojne pa meshire.
Lavdi deshmoreve te policise dhe familjeve te tyre. DD.
